Bahalı maşın, bahalı nömrə... yolu kəsən sürücü təhlükə yaratdı - FOTO

Paytaxtın Yasamal rayonu İnşaatçılar prospektində qaydaları kobud şəkildə pozan sürücü görüntülənib. Avtosfer.az xəbər verir ki, 10-VK-500 qeydiyyat nişanlı “Mercedes” markalı avtomobilin sürücüsü maşını dayanma-durmanın qadağan olduğu nişanın təsir dairəsində saxlayıb. Eyni zamanda avtomobil yolayrıcına 5 metrdən az məsafədə dayanıb. Bununla da sürücü digər hərəkət iştirakçılarına maneə yaradıb.

Qeyd edək ki, qaydaları bu cür pozan sürücülər İnzibati Xətalar Məcəlləsinin 346.5. “Yol hərəkəti haqqında” Azərbaycan Respublikasının Qanunu ilə müəyyən edilmiş hallar istisna olmaqla, nəqliyyat vasitələrinin hərəkət hissələrinin kəsişməsində və kəsişən hərəkət hissəsinin kənarından 5 metrdən az yaxınlıqda dayanmasına və ya durmasına görə 40 manat və 2 balla crimələnə bilərlər.

Səfər