Bakıda avtobus dayanacağında bazar açan sürücü cərimələndi - FOTOLAR

Nizami rayon Dövlət Yol Polisi Şöbəsindən Avtosfer.az-a bildirilib ki, həmin sürücü barəsində 40 manat cərimə tətbiq edilib və nəqliyyat vasitəsi DYP əməkdaşları tərəfindən ərazidən götürülüb.

***

Bakıda dayanma-durma qaydasını pozan sürücü barəsində oxuculardan biri redaksiyamızın qaynar xəttinə şikayət ünvanlayıb. Avtosfer.az xəbər verir ki, fotoşəkillər Nizami rayonu Azər Manafov küçəsində (Qara qarayev metrosunun yaxınlığında) qeydə alınıb. Belə ki, "Qazel" markalı avtomobilin sürücüsü sözügedən küçədə avtobus dayanacağını zəbt edərək qarpız-yemiş satır. Oxucu bildirir ki, artıq 1 aydan çoxdur ki, həmin sürücü dayanacağı zəbt edərək bazara çevirib. Qeydiyyat nişanlarını isə çıxararaq məsuliyyətdən yayınmağa çalışıb.

Sözügedən fotoları təqdim edirik:

Könül Rauf