Bakıda avtobus sürücüsü əks yola çıxdığına görə cəzalandırıldı - VİDEO

Dünən avtobus sürücüsünün əks yola çıxaraq qaydanı pozması videosu müzakirələrə səbəb olub.

Avtosfer.az xəbər verir ki, yayılan görüntülərlə bağlı Bakı şəhər Dövlət Yol Polisi idarəsinin apardığı araşdırmalar nəticəsində sürücünün kimliyi müəyyənləşib. Sürücünün kobud şəkildə pozduğu qayda ilə əlaqədar saytımıza açıqlama verən idarənin baş inspektoru, baş leytenant Rüstəm Əhmədli bildirib ki, avqustun 26-da "Karsan" markalı 99-JZ-259 dövlət qeydiyyat nişanlı avtobusun sürücüsü Mehdiyev Asəf Məzahir oğlu Bakı şəhəri Binəqədi rayonu Binəqədi Şosesində YHHQ-nun 69 maddəsinin tələbini pozar.

Belə ki, 1.3 üfiqi nişanlanma xəttinin tələbini pozan sürücü avtobusu qarşıdan hərəkət edən nəqliyyat vasitələrinin qarşısına çıxararaq hərəkət etdiyinə görə İXM-nin 327.4 maddəsinin tələbinə uyğun olaraq 150 manat  cərmə və 4 balla qiymətləndirilərək cəzalandırılıb.