![Bakıdakı yataqxanada rütubətdən ağac bitib: Qurumlardan reaksiya yoxdur - FOTO](/upload/news/small/2346349.png)
Bakıda iki zolaqlı yolun bir zolağını zəncirləyib zəbt etdilər - VİDEO
![Bakıda iki zolaqlı yolun bir zolağını zəncirləyib zəbt etdilər - VİDEO](/upload/news/2181221.jpg)
Bakıda yeni təmir olunmuş binanın həyətində sakinlər yolu zəbt ediblər. Avtosfer.az xəbər verir ki, söhbət paytaxtın İnşaatçılar prospekti 138 ünvanından gedir.
Belə ki, binanın həyətindəki qaraj sahibləri darvazanın qarşısını zəncirləyərək yolun bir zolağını zəbt ediblər. Bunu etməkdə məqsəd qarajın önündə heç bir avtomobilin park edilməməsi üçündür. Onlar qarajlarının önünü kəsən sürücülərə qarşı mübarizə apardıqları halda, özləri yolun bir zolağını zəbt edərək hərəkəti məhdudlaşdırırlar.
Sözügedən binanın ətrafında yaşayan və işləyən digər sakinlər yolun zəbt olunaraq maneə yaradılmasından narazıdırlar.
Ümid edirik ki, aidiyyəti qurumlar hərəkət zolağını zəbt edən zəncirləri oradan yığışdıracaq, qaraj sahiblərini isə məsuliyyətə cəlb edəcək.
Qeyd edək ki, İnzibati Xətalar Məcəlləsinin 354.0.4-cü maddəsinə əsasən, yolların hərəkət hissəsində sədlərin, şlaqbaumların qurulmasına və nəqliyyat vasitələrinin hərəkətinin başqa üsullarla kəsilməsinə, yaxud avtomobil yollarında nəqliyyat vasitələrinin və piyadaların hərəkətinə maneələr yaradılmasına görə, fiziki şəxslər səksən manatdan yüz manatadək məbləğdə, vəzifəli şəxslər dörd yüz manatdan beş yüz manatadək məbləğdə, hüquqi şəxslər üç min manatdan dörd min manatadək məbləğdə cərimə edilə bilər.
Fərid