Bakıda qayda pozan sürücü nə gəldi danışıb özünü lap da biabır elədi - VİDEO

Paytaxtın Xətai rayonu, 8 Noyabr prospektində (Hərbi Qənimətlər Parkının yaxınlığında) qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə aprelin 8-də saat 10:02 radələrində qeydə alınıb. Belə ki, 77-SB-698 dövlət nömrə nişanlı “Toyota Aqua” markalı avtomobilin sürücüsü hərəkətdə olan maşına əhəmiyyət vermədən yola daxil olub və qəza şəraiti yaradıb. Təhlükəylə üzləşən sürücü siqnal verərək ona xəbərdarlıq edib. Ardınca sürücülər arasında kiçik mübahisə yaranıb. Görüntünü qeydə alan sürücü “Haradan keçim? Bir neçə saniyəlik gözləyə bilmirsən?” - deyə, ona sual verib. Lakin qayda pozan şəxs suala cavab vermək əvəzinə “Nəyə görə siqnal verirsən? İcazə ver çıxım” deyərək lüzumsuz fikirlər səsləndirib.

Nərmin