Bakıxanovda "protiv" gedən sürücülər yolu kəsdilər - VİDEO

Bakıda yol hərəkəti qaydasını pozan sürücülərin videosu sosial şəbəkədə yayılıb. Avtosfer.az xəbər verir ki, hadisə paytaxtın Bakıxanov qəsəbəsində baş verib.

Belə ki, 10-ZS-343 qeydiyyat nişanlı "Mitsubishi" markalı, 90-BH-936 qeydiyyat nişanlı "Nissan" markalı, 99-PG-129 qeydiyyat nişanlı "Skoda" markalı avtomobillərin sürücüləri tıxacdan çıxmaq üçün əks yola keçiblər. Lakin bu zaman qarşıdan gələn avtomobillərin yolunu kəsərək onların hərəkətinə çətinlik yaradıblar.

Qeyd edək ki, bu qayda pozuntusuna görə, İnzibati Xətalar Məcəlləsinin 327.4-cü maddəsilə 4 bal 150 manat məbləğində cərimə nəzərdə tutulub.

Fərid