Başı telefona qarışan "TIR" sürücüsü maşınların üzərinə sürdü - QORXULU ANLAR - VİDEO

Yolda baş verən qorxulu anlar avtomobildəki kameraya əks olunub. Avtosfer.az xəbər verir ki, hadisə sentyabrın 9-da, Sumqayıt şəhəri ərazisində baş verib.

Belə ki, 99-JG-044 qeydiyyat nişanlı "Mercedes" markalı yük avtomobilinin sürücüsü sükan arxasında telefondan istifadə etdiyi üçün fikri yoldan yayınıb. İdarəetmədən çıxan "TIR" əks yoldan gələn avtomobillərin üzərinə doğru gedərək təhlükəli anlar yaşadıb.

Sürücü qəzanın baş verəcəyini görən anda sürəti azaldıb və səs siqnalı ilə xəbərdarlıq edib. Bu zaman yük maşınının sürücüsü öz zolağına qayıdaraq qəzadan son anda xilas olub.

Könül Rauf