Bu küçədə insanlar məcbur qalıb özlərini təhlükəyə atır - FOTO

Paytaxtın Hüseyn Cavid prospektində binanın fasad hissəsində aparılan təmir işləri piyadaları təhlükə qarşısında qoyub.

Avtosfer.az xəbər verir ki, buna səbəb heç də təmir deyil. Ərazidə olan restoranın səkini zəbt etməsidir. Təmirə əlaqədar olaraq görülən təhlükəsizlik tədbirləri onsuz da dar olan səkini piyadaların keçidi üçün keçilməz edib. Buna görə də piyadalar məcbur qalıb təhlükəsiz ərazini deyil, yolun hərəkət hissəsini seçməli olur. İaişə obyekti isə zəbt etdiyi ərazidən bir addım da geri çəkilmək niyyətində deyil.

Görünür qazanc əldə etmək istəyi insanların təhlükəsizliyi məsələsini üstələyib.

Ən azından təmir vaxtı zəbt olunan səki boşaldılsa insanların rahat hərəkəti təmin olunar. Ümid edirik ki, müvafiq dövlət qurumları bu barədə tədbir görəcək.