Bu parkinqə girən sürücülər 100 manatlıq qayda pozmalı olurlar - VİDEO

Bakıda hərəkətin təşkili ilə bağlı problemi sürücülərdən biri qeydə alaraq sosial şəbəkədə paylaşıb. Avtosfer.az xəbər verir ki, söhbət paytaxtın Xocalı prospektindən gedir.

Belə ki, bir müddət əvvəl hərəkətin təşkilinə dəyişiklik edilərək yolun sol zolağını velosipedlər, sağ zolağını isə avtobuslar üçün ayırdılar. Avtobus zolağının sağ tərəfində isə parklanma yeri təşkil edildi. Lakin parklanma yerinə daxil olmaq üçün avtobus zolağının heç bir hissəsində qırıq xətlər çəkilməyib.

Hal-hazırda sürücülər həmin parklanma yerinə daxil olmaq üçün ya avtobus zolağının başlanğıcından, ya da bütöv xətti kəsərək hərəkət etməyə məcbur olurlar ki, bu da 100 manat 2 bal cərimə olunmaq deməkdir.

Qanunvericiliyə görə, hər iki hal qayda pozuntusu hesab edilir. Hərəkətin bu formada təşkili düzgün hesab edilmir. Eyni zamanda yuxarıda sadaladığımız formada parklanma yerinə daxil olmağa görə heç bir sürücü məsuliyyətə cəlb edilə bilməz.

Fərid