Bu sürücü harada boş yer gördüsə ora soxulur - VİDEO

Günün pik saatlarında tıxac vaxtı əksər sürücülər hərəkət hissəsində düzgün yerləşməyərək əlavə zolaq yaradırlar. Bəziləri isə boş yer görən zaman lüzumsuz yerə manevrlər edərək tıxacı daha da ağırlaşdırırlar. Belə sürücülərdən birinin hərəkəti avtomobildəki kameraya qeyd olunub.

Avtosfer.az xəbər verir ki, hadisə martın 9-da, Bakı-Sumqayıt yolunda qeydə alınıb.

Belə ki, 77-DN-895 qeydiyyat nişanlı "Toyota" markalı avtomobilin sürücüsü tıxacda qabağa düşmək üçün bir neçə dəfə manevr edib. O, lüzumsuz yerə gah sağa, gah da sola yerdəyişmə edərək digər sürücülərə maneə yaradıb.

Videodan da aydın şəkildə görünür ki, sürücü dəfələrlə manevr etsə də görüntünü qeydə alan avtomobildən geridə qalıb. Buradan aydın olur ki, tıxac zamanı manevrlər etmək sürücünü irəli salmır, əksinə təhlükə yardır.

Fərid