Bu sürücü nə etdiyini bilmir: 4 dəfə kobud qayda pozdu - VİDEO

Bakıda yol hərəkəti qaydalarını davamlı şəkildə pozan sürücü kameraya düşüb. Avtosfer.az xəbər verir ki, hadisə sentyabr 11-də, paytaxtın Mehdi Hüseyn küçəsində baş verib.

Belə ki, 10-EG-200 qeydiyyat nişanlı "Mercedes" markalı avtomobilin sürücüsü sağa Şeyx Şamil küçəsinə döndükdən sonra fikrini dəyişib. O, istiqamətini dəyişərək yenidən Mehdi Hüseyn küçəsinə daxil olub. Bu zaman keçiddə olan piyadaya yol verməyib.

Bir az qarşıda görüntünü qeyə alan avtomobil sola manevr edən zaman həmin sürücü onun qarşısını keçərək hərəkətə mane olub.

Bunlar azmış kimi o, yenidən intizamsızlıq etməyə davam edib. Belə ki, qarşıdakı yolayrıcından sola dönən zaman sağdan gələn "Niva" markalı avtomobilə yol verməyərək qaydaları pozub.

Sözügedən videonu təqdim edirik:

Fərid