Bu yoldan geriyə dönməyin! - Kameralar işə düşüb - VİDEO

Bakıda yol nişanının tələbini pozan sürücülər kamera vasitəsilə cərimələnir. Avtosfer.az xəbər verir ki, bu barədə sosial şəbəkədə videogörüntü yayılıb.

Belə ki, paytaxtın Ağa Nemətulla küçəsilə hərəkət edən sürücülər Aleksey Çernyayevski küçəsi ilə kəsişmədə (Montin bazarına gedən yolda) nişanın tələbini pozurlar. Yolayrıcı qarşısında quraşdırılmış nişan yalnız düzünə və sağa hərəkət etməyə icazə versə də, sürücülər oradan geriyə dönürlər. Bu zaman ərazidəki kamera vasitəsilə həmin sürücülər barəsində elektron qərarlar tərtib olunur.

Sürücülərə tövsiyə edirik ki, hərəkət zamanı yol nişanlarına diqqət etsinlər. Əks halda qayda pozuntusunun sonu cərimə ilə bitə bilər.

Fərid