Dairə nişanına əhəmiyyət verməyən sürücü qəza şəraiti yaratdı - VİDEO

Bakıda yolayrıcının keçilməsi qaydasını pozan sürücünün videosunu oxuculardan biri redaksiyamızın sosial şəbəkə ünvanına göndərib. Avtosfer.az xəbər verir ki, hadisə iyulun 28-də, paytaxtın Xəlil Rza Ulutürk küçəsində (Azərbaycan Yerüstü Nəqliyyat Agentliyinin qarşısında) baş verib.

Belə ki, 77-AT-897 qeydiyyat nişanlı "Chevrolet" markalı avtomobilin sürücüsü dairəvi hərəkət təşkil olunmuş yolayrıcına daxil olarkən üstünlüyə malik olan nəqliyyat vasitəsinə yol verməyib. Sürücü qəzanın baş verəcəyini görən anda sürətini azaldaraq təhlükədən yan keçib.

Qeyd edək ki, yeni qüvvəyə minmiş İnzibati Xətalar Məcəlləsinin 327.2-ci maddəsinə əsasən, həmin sürücü yolayrıcının keçilməsi qaydasını pozduğu üçün 3 bal 100 manat məbləğində cərimə oluna bilər.

Fərid