“Drift-şou” göstərən sürücü saxlanıldı: Məhkəmə 15 sutka həbs verdi – VİDEO

Səbaildə qaydaları kobud şəkildə pozaraq avtoxuliqanlıq edən sürücünün kimliyi müəyyənləşib.

DİN-in Mətbuat Xidmətindən Avtosfer.az-a bildirilib ki, paytaxtın Səbail rayonu, Bayıl qəsəbəsində avtoxuliqanlıq hərəkətləri edərək ictimai asayişi nümayişkaranə şəkildə pozan və digər hərəkət iştirakçılarına ciddi təhlükə yaradan sürücü saxlanılıb.

Belə ki, Bakı şəhər sakini 2003-cü il təvəllüdlü Cahad Əlizadə idarə etdiyi "Mersedes" markalı avtomobillə təhlükəli manervlər edərək buna dair görüntüləri sosial şəbəkələrdə paylaşıb.

Onun barəsində toplanmış materiallar baxılması üçün məhkəməyə təqdim edilib.

Məhkəmənin qərarı ilə 15 sutka inzibati qaydada həbs olunub.

***

13:13

***

Paytaxtın Səbail rayonu, Bayıl qəsəbəsində kobud qayda pozuntusu törədən sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 99-XZ-024 dövlət nömrə nişanlı, “Mercedes” markalı avtomobilin sürücüsü yaşayış zonasında sərt manevrlər edib. Belə ki, “drift şou”su göstərən sürücü daha sonra paylaşdığı kadrda qəza törətdiyini bildirib. Bibiheybət yolunda qeydə alınmış digər görüntüdə isə o, düz xəttin tələbini pozaraq əks istiqamətli yolla hərəkət edib və bu zaman nəqliyyat vasitələrinə təhlükə yaradıb. 

Xatırladaq ki, sürücünün törətdiyi qayda pozuntusu İnzibati Xətalar Məcəlləsinin 511.1-ci maddəsiylə nizamlana bilər.

Nərmin