![Bakıda polislə toqquşma niyə artıb? – Səbəblər…](/upload/news/small/3367574.jpg)
DYP-dən “Vasmoy”dakı qanunsuz parkinqə bağlı: RƏSMİ AÇIQLAMA - VİDEO
![DYP-dən “Vasmoy”dakı qanunsuz parkinqə bağlı: RƏSMİ AÇIQLAMA - VİDEO](/upload/news/4451599.jpg)
Bakı şəhər Dövlət Yol Polisi İdarəsinin bölmə rəisi polis kapitanı Toğrul Nəsirli Nizami rayonu Arif Hacıyev küçəsində sakinlərin şikayətinə aydınlıq gətirib.
Avtosfer.az-a açıqlamasında bölmə rəisi bildirib ki, sözügedən ərazidə dayanma-durma qadağandır nişanı var hər hansı qanunsuz parkinq fəaliyyət göstərmir.
"Nizami rayon Dövlət Yol Polisi Şöbəsinin əməkdaşları mütamadi olaraq ərazidə profilaktiki tədbirlər həyata keçirir. Qayda pozan sürücülər barəsində inzibati qaydada protokol tərtib olunur.
Qeyd olunan ünvanda yaşayan sakinlər öz avtomobillərini yaşayış binasının qarşısında saxlayır. Bəzi hallarda fürsətdən sui-istifadə edən sürücülərə qarşı isə qanunvericiliyin tələblərinə uyğun olaraq tədbirlər görülür."
* * *
14:00
Bakıda sahibinin kim olduğu bəlli olmayan parkinq küçədə uzun müddətli tıxaclara səbəb olur.
Avtosfer.az xəbər verir ki, paytaxtın Nizami rayonunda uzun illərdir fəaliyyət göstərən parkinq küçədə hərəkəti çətinləşdirdiyi üçün vətəndaşların narazılığına səbəb olub.
Belə ki, Arif Hacıyev küçəsində uzun illər əvvəl təşkil edilən qanunsuz parklama yeri, onsuz da, ikizolaqlı dar küçənin daha da keçilməz olması ilə nəticələnib. Üstəgəl, ərazidə saxlamaq istəyən avtomobil sahiblərinə qəfil yaxınlaşan “parkovşik”lər heç bir xidmət göstərmədikləri halda ödəniş də tələb edirlər. Sakinlər deyir ki, hər dəfə yolun kənarında saxlayıb mağazaya girmək istəyən sürücülərlə “parkovşik”lər arasında söz-söhbət yaranır. Hətta bir neçə dəfə əlbəyaxa dava da düşüb.
Görüntülər sosial şəbəkələrdə müzakirələrə səbəb olub. İstifadəçilər belə qanunsuz parklama yerlərinin təşkilinin vaxtaşırı davalara səbəb olduğu üçün vəziyyətin aidiyyəti qurumlar tərəfindən nəzarətə götürülməsini xahiş edib.
Səfər