Əks yola çıxıb “şou” göstərmək istəyən sürücü qəza törətdi - ANBAAN VİDEO

Paytaxtın Suraxanı rayonu Qaraçuxur qəsəbəsində baş vermiş qəza anbaan kameraya düşüb. Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Hərəkətdə olan 77-XM-817 dövlət nömrə nişanlı “Chevrolet Cruze” markalı avtomobilin sürücüsü əks istiqamətli yola çıxaraq yenidən öz zolağına qayıdıb.

Bu zaman o, öndəki maşınla toqquşub. Hadisə zamanı hər iki nəqliyyat vasitəsinə maddi ziyan dəyib. O, maşının qəzadan sonrakı halını da sosial şəbəkə hesabında paylaşıb.

Digər görüntüdə isə sürücü yolda təhlükəli manevrlər edərək “drift şou”su göstərib. Eyni zamanda əks yola çıxmağı vərdiş halına gətirən sürücü “hər kadrda ən azı 150-200 manat yatır” yazaraq davamlı qayda pozduğunu ifşa edib.

Nərmin