Faciəvi qəzaların qurbanına çevrilməmək üçün bunlara əməl edin - VİDEO

Bakıda baş verən təhlükəli anların videosu sosial şəbəkədə yayılıb. Avtosfer.az xəbər verir ki, hadisə paytaxtın Zaur Nudirəliyev küçəsində baş verib.

Belə ki, ikinci dərəcəli yoldan gələn sürücü yol nişanlarına əhəmiyyət vermədən yüksək sürətlə yolayrıcına daxil olub. Bu zaman baş yolda hərəkət edən yük avtomobilinin qarşısına çıxaraq təhlükəli anlar yaşadıb. Yük maşınının sürücüsü peşəkarlıq göstərərək qəfil tormoz verib və qəzanın qarşısını alıb. Qaydaları pozan sürücü isə heç nə olmamış kimi yoluna davam edib.

Sükan arxasında olan hər bir sürücüyə, xüsusən də avtomobil idarə etməyə başlayan yeni sürücülərə daha diqqətli olmaları, mobil telefondan istifadə etməməyi, fikri yoldan yayındıracaq hərəkətlərə, söhbətlərə yol verməməyi, o cümlədən də yol nişanlarına baxaraq onlara əməl etmələri tövsiyə olunur. Əks halda faciəvi qəzaların qurbanına çevrilə bilərsiniz.

Könül Rauf