Keçidin 20 metrliyində özlərini təhlükəyə atan gənclər - VİDEO

Yolda özlərini təhlükəyə atan gənclər kameraya düşüb. Avtosfer.az xəbər verir ki, hadisə Xırdalan şəhərində baş verib.

Belə ki, piyada keçidinin 20 metrliyində gənclər yolu nəzərdə tutulmayan yerdən keçiblər. Onlardan biri avtomobillərin hərəkət etdiyini görsə də qəfil qarşısına çıxaraq təhlükə yaradıb. Görüntünü qeydə alan avtomobilin gec dayandığını görən piyada sərt baxışlarla öz narazılığını bildirib.

Videonu çəkən sürücü qeyd edir ki, həmin vaxt onlara irad bildirib. Lakin gənclər buranın keçid olduğunu deyərək özlərinə haqq qazandırıblar. Qeydə alınmış videodan da aydın şəkildə görünür ki, piyada keçidi 20 metr qarşıdadır.

Könül Rauf