Magistral yolun sol zolağını zəbt edib sürücüləri ötməyə qoymadı - VİDEO

Yolun hərəkət hissəsində yerləşmə qaydasını pozan sürücü avtomobillərə maneə yaradıb. Avtosfer.az xəbər verir ki, hadisə Ələt-Astara yolunda baş verib.

Belə ki, 77-LM-254 qeydiyyat nişanlı "Ford" markalı yük avtomobilinin sürücüsü sol zolağı zəbt edərək arxadan gələn avtomobillərə yol verməyib. Sürücülər məcburiyyətdən sağdan ötmə edərək yollarına davam ediblər.

"Yol hərəkəti haqqında" qanunun 49-cu maddəsində qeyd olunub ki, normal hərəkət zamanı nəqliyyat vasitələrinin sürücüləri vəziyyətdən asılı olaraq, yolun hərəkət hissəsinin sağ kənarı ilə hərəkət etməlidirlər. Qeyd edək ki, bu qaydanın pozulmasına görə, İnzibati Xətalar Məcəlləsinin 327.1-ci maddəsilə 40 manat məbləğində cərimə nəzərdə tutulub.

Fərid