Masazırda maşınların qarşısını kəsən sürücü sakinləri qəzəbləndirdi - FOTO

Masazır qəsəbəsində yol hərəkəti qaydasını pozan sürücü sakinlərin narahatlığına səbəb olub. Avtosfer.az xəbər verir ki, hadisə iyulun 29-da, "Qurtuluş 93" yaşayış kompleksinin həyətində baş verib.

Belə ki, 99-RN-855 qeydiyyat nişanlı "Chevrolet" markalı avtomobilin sürücüsü gecə avtomobillərin qarşısında park edərək dayanma-durma qaydasını pozub.

Fotoları redaksiyamızın qaynar xəttinə göndərən oxucu bildirir ki, qaydaları pozan sürücü onun avtomobilinin qarşısını kəsərək çıxılmaz vəziyyətdə qoyub: "Səhər 7-də işə gedən zaman gördüm ki, bu sürücü maşınımın qarşısını kəsib. Sol tərəfimdə dayanan avtomobilin sahibini tanıdığım üçün onun köməkliyindən istifadə edərək maşınımı çıxara bildim" - deyə oxucu bildirib.

O, Dövlət Yol Polisi İdarəsindən həmin sürücünün məsuliyyətə cəlb edilməsini xahiş edir.

Fərid