Maşını gah nömrəli, gah nömrəsiz sürən Yasamalın “avtoş” sürücüsü - VİDEO

Paytaxt küçələrində qaydaları kobud şəkildə pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 01-BO-260 dövlət nömrə nişanlı “Tofaş Şahin” markalı avtomobilin sürücüsü Yasamal rayonu Abbas Mirzə Şərifzadə küçəsində təhlükəli manevrlər edib. Belə ki, “sağ-sol” edən sürücü yolboyu qəza riski yaradıb. Başqa bir ərazidə qeydə alınan görüntüdə də o, sərt manevrlər edərək həm özünü, həm də maşındakı sərnişini təhlükəyə atıb. Eyni zamanda sürücü avtomobilin arxa yaylarını kəsərək ön hissəsini qaldırıb və maşını dövlət nömrə nişanı olmadan idarə edib.

Qeyd edək ki, sürücünün törətdiyi xətalar avtoxuliqanlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlana bilər. 

Nərmin