Maşını səkidə park edən sürücü əlillərin və piyadaların yolunu kəsdi - FOTO

Bakıda yol hərəkəti qaydasını pozan sürücünün fotosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə paytaxtın Şəfaət Mehdiyev küçəsində baş verib.

Belə ki, 90-OB-064 qeydiyyat nişanlı "Hyundai" markalı avtomobilin sürücüsü səkidə parklanma edərək piyadaların yolunu kəsib. Fotonu qeydə alan oxucu bildirir ki, avtomobil səkini tamamilə zəbt etdiyindən piyadalar yolun hərəkət hissəsilə getməli olublar.

Qeyd edək ki, bu qayda pozuntusunu törədən sürücü İnzibati Xətalar Məcəlləsinin 346.9-cu maddəsilə 2 bal 60 manat məbləğində cərimə oluna bilər.

Fərid