Mingəçevirdə qaydaları kobud şəkildə pozan sürücülər cəzalandırıldı - VİDEO - YENİLƏNİB

Mingəçevir şəhərində avtomobillərini ön nömrə nişanı olmadan idarə edən sürücülərlə bağlı rəsmi açıqlama verilib.

Avtosfer.az oxu.az-a istinadən xəbər verir ki, Daxili İşlər Nazirliyinin Mətbuat Xidmətinin Şəki regional qrupunun baş inspektoru Mahir Məsimov-un dediyinə görə, həmin avtomobillərin sürücüləri müəyyən olunaraq barələrində qanunvericiliyə uyğun tədbir görülüb.

***

Mingəçevir şəhərində avtomobillərini ön nömrə nişanı olmadan idarə edən sürücülər diqqət çəkiblər.

Avtosfer.az xəbər verir ki, bununla bağlı videogörüntü sosial şəbəkədə yayımlanıb.

Videogörüntüdən məlum olub ki, 10-HC-955 dövlət nömrə nişanlı VAZ-2106, 10-NY-322 dövlət nömrə nişanlı "Opel", 10-DZ-743 dövlət nömrə nişanlı VAZ-2109 və 02-BZ-994 dövlət nömrə nişanlı "Niva" markalı avtomobillər ön dövlət nömrə nişanı olmadan şəhər küçələrində hərəkət edirlər.

Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) rəsmisi, polis polkovnik-leytenantı Mübariz Ağayev açıqlamasında bildirib ki, Mingəçevir şəhəri ərazisində olduğu iddia olunan görüntülər araşdırma predmetidir.

Faktla bağlı araşdırma aparılır.