Montində sürücü eyni anda iki qayda pozdu - VİDEO

Nərimanov rayonunda sürücü qaydaları kobud şəkildə pozub.

Avtosfer.az xəbər verir ki, paytaxtın Nərimanov rayonu Çaykovski küçəsi ilə Ağa Nemətulla küçələrinin kəsişməsində 77-RT-153 qeydiyyat nişanlı “Hyundai” markalı avtomobilin sürücüsü eyni anda iki qayda pozuntusu edib.

Belə ki, Çaykovski küçəsi ilə hərəkət nəqliyyat vasitəsinin sürücüsü həm qoş xəttin, həm də “yol ver” nişanının tələbini pozaraq digər hərəkət iştirakçıları üçün təhlükə yaradıb. Görüntülər motosiklet sürücüsünün üzərindəki kamera vasitəsilə qeydə alınıb.

Qoşa xəttin tələbini pozduğu üçün sürücü 4 bal və 150 manat, “yol ver” nişanının tələbini pozduğu üçün isə 3 bal və 100 manat cərimələnə bilər.

Səfər