Övladını məktəbdən götürən sürücü avtomobillərin və piyadaların yolunu kəsdi - VİDEO

Bakıda yol hərəkəti qaydasını pozan sürücü hərəkəti çətinləşdirib. Avtosfer.az xəbər verir ki, hadisə oktyabrın 3-də, paytaxtın Azadlıq prospektində baş verib.

Belə ki, 77-YE-791 qeydiyyat nişanlı "Chevrolet" markalı avtomobilin sürücüsü nizamlanan piyada keçidinin üzərində dayanaraq sərnişin mindirib. Bu zaman o, həm arxadan gələn sürücülərin, həm də keçiddə hərəkət edən piyadaların yolunu kəsib.

Çox təəssüf ki, yeni tədris ili başlayandan sonra qayda pozan sürücülərə tez-tez rast gəlmək olur. Dövlət Yol Polisi İdarəsi məktəbdən övladını götürən valideynlərə qaydaları pozmamağı tövsiyə etsə də, görünən mənzərə onu göstərir ki, sürücülər yenə də intizamsızlıq etməyə davam edir.

Sözügedən videonu təqdim edirik.

Fərid