Özlərini hamıdan artıq hesab edən “Əlqasım oğlanları” - VİDEO

Paytaxtın Xətai Rayonu, kənd Əhmədli ərazisində kütləvi şəkildə qayda pozan sürücülər kameraya düşüb.

Avtosfer.az-ın məlumatına görə, hadisə sentyabrın 12-də saat 18:28 radələrində qeydə alınıb. Belə ki, bir neçə dəqiqəlik sıxlığa dözməyən 99-UY-348 dövlət nömrə nişanlı “Chevrolet Cruze” markalı avtomobilin sürücüsü əks istiqamətli yola çıxaraq hərəkət edir. Ardınca 77-CJ-233 dövlət nömrə nişanlı “Hyundai Santa Fe” markalı maşının sürücüsü qarşı tərəfə keçsə də, öndən gələn nəqliyyat vasitəsini görərək yenidən öz zolağına qayıdır. Lakin digər sürücülər ona yol vermirlər, hətta onlardan biri “Sən bizdən artıqsan?” deyərək qayda pozan şəxsə iradını bildirir.

Xatırladaq ki, bu qayda pozuntusuna görə İnzibati Xətalar Məcəlləsinin 327.4-cü maddəsilə 4 bal 150 manat cərimə nəzərdə tutulub.

Nərmin