Özünü təhlükədən qoruyan sürücü digər maşına qəza şəraiti yaratdı - VİDEO

Bakıda manevr qaydasını pozan sürücü təhlükə yaradıb. Avtosfer.az xəbər verir ki, hadisə iyulun 19-da, paytaxtın Gülarə Qədirbəyova küçəsində baş verib. Belə ki, 90-MM-447 qeydiyyat nişanlı "Mercedes" markalı avtomobilin sürücüsü qarşısında manevr edən maşından yan keçmək üçün qəfildən sol zolağa yerdəyişmə edib. Bu zaman görüntünü qeydə alan sürücünün önünə keçərək ona təhlükə yaradıb.

Əksər sürücülərdə qəzadan yayınmaqla bağlı yanlış instinkt formalaşıb. Qarşılarına çıxan manenəni vurmamaq üçün qəfil manevrlər edirlər. Təhlükəsizlik mülahizələrinə görə, bu cür hərəkət yanlışdır və yol hərəkəti qaydalarına zidd reaksiyadır. Öncə sürücü qarşısında hərəkət edən nəqliyyat vasitələrini düzgün izləməli, ara məsafəsi saxlamalıdır. Əgər qarşısındakı avtomobil dayanarsa, sağa manevr edərsə bu zaman sürücünün ilk edəcəyi hərəkət tormozlama etməsidir. Lakin videogörüntüdəki sürücü tormoza basmadan və güzgüyə baxmadan sola manevr edir. Bu zaman özünü təhlükədən qoruyaraq digər sürücüyə təhlükə yaradır. Bu isə yanlış addımdır.

Könül Rauf