"Prado" ilə "protiv" çıxıb maşınların üzərinə sürdü - ANBAAN VİDEO

Paytaxtın Nizami rayonunda kobud qayda pozan sürücü real qəza şəraiti yaradıb.

Avtosfer.az-ın məlumatına görə, hadisə sentyabrın 23-də saat 08:34 radələrində Qara Qarayev prospekti ilə Nəsimi küçəsinin kəsişməsində qeydə alınıb. Belə ki, hərəkətdə olan “Toyota Prado” markalı avtomobil əks istiqamətli yola çıxaraq axına qarşı hərəkət edib. Bu zaman o, qarşı tərəfdən gələn 99-NY-526 dövlət nömrə nişanlı “KIA” markalı maşının önünə çıxıb. Xoşbəxtlikdən “KIA” sürücüsü anidən tormoz verərək baş verə biləcək təhlükənin qarşısını alıb.

Təəssüflə qeyd edək ki, bəzi sürücülər sıxlıq zamanı bir neçə saniyəlik qabağa düşmək üçün qarşı tərəfə keçirlər. Lakin unutmaq olmaz ki, törətdikləri əməl qəzaya, hətta insan ölümünə səbəb ola bilər.

Xatırladaq ki, bu qayda pozuntusuna görə İnzibati Xətalar Məcəlləsinin 327.4-cü maddəsilə 4 bal 150 manat cərimə nəzərdə tutulub.

Nərmin