Prospektdə elektromobillər üçün ayrılmış ərazi parkinqə çevrilib - Sürücülər NARAZIDIR - FOTO

Paytaxtın “8 Noyabr” prospektində (2 saylı “ASAN Xidmət”in qarşısı) elektirikli avtomobillərin şarj edilməsi üçün nəzərdə tutulmuş ərazi maşınların parkinq zonasına çevrilib.

Bu barədə şikayətçi Avtosfer.az-a fotoşəkil göndərib. Görüntüdən aydın olduğu kimi, 10-AS-832 dövlət nömrə nişanlı “Mercedes Viano” markalı avtomobilin sürücüsü elektrikli nəqliyyat vasitələrinin enerji təzchizatı üçün ayrılmış ərazinin qarşısını məşğul edib. Onun sözlərinə görə, sürücülər sözügedən ərazini demək olar ki, günün istənilən saatlarında zəbt edirlər. Nəticədə sürücülər elektriklə işləyən avtomobillərini şarj etmək üçün saatlarla gözləmək məcburiyyətində qalırlar, yaxud ərazidən ayrılmalı olurlar.

Qeyd edək ki, qanuna edilən dəyişikliyə əsasən, elektromobil avtomobillər üçün müəyyən edilmiş ərazidə saxlayan sürücülərə 20 manat cərimə tətbiq edilir.

Nərmin