![Sabirabadda ağır yol qəzası baş verdi: xəsarət alan var - VİDEO](/upload/news/small/2751830.jpg)
Prospektdə yolu kəsən sürücü uzun tıxaca səbəb oldu: Müəmmalı hadisə - VİDEO
![Prospektdə yolu kəsən sürücü uzun tıxaca səbəb oldu: Müəmmalı hadisə - VİDEO](/upload/news/832851.jpg)
Xırdalan şəhərində qayda pozan sürücünün videosu kameraya düşüb. Avtosfer.az xəbər verir ki, hadisə sentyabrın 7-də, Heydər Əliyev prospektində baş verib.
Belə ki, 99-FM-898 qeydiyyat nişanlı "KIA" markalı avtomobilin sürücüsü sol zolaqda dayanaraq yolu kəsib. Bu səbəbdən yolda uzun tıxac yaranıb.
Videogörüntünü qeydə alan sürücü həmin avtomobilin hansı səbəbdən dayandığının məlum olmadığını bildirib. O, qeyd edir ki, sürücü avtomobili yolun sol zolağında park edən zaman özü də sükan arxasında olub.
Qeyd edək ki, avtomobilin nasazlıq səbəbindən və ya digər səbəblərdən yolun sol zolağında bu formada dayandırılması qanuna ziddir. Nasazlıq səbəbindən məcburi dayanma hallarında sürücü avtomobili yolun hərəkət hissəsindən kənara çəkməlidir. Dayanmanın qadağan edildiyi yerdə nəqliyyat vasitəsi məcburi dayandıqda və ya hərəkət hissəsində onun olması yol hərəkətinin digər iştirakçılarına maneə yaradırsa, sürücü qəza dayanması işıq siqnalını yandırmalı və ya qəza dayanması nişanını quraşdırmalıdır.
Könül Rauf