Qaranlıqda “avtoşluq” edib “TikTok”da paylaşdı: “Ruçnoy necədir?” - VİDEO

Rayon yollarının birində yol-hərəkəti qaydalarını kobud şəkildə pozan sürücünün görüntüsü sosial şəbəkədə müzakirələrə səbəb olub.

Avtosfer.az-ın məlumatına görə, 99-US-062 dövlət nömrə nişanlı “VAZ-2107” markalı avtomobilin sürücüsü günün qaranlıq saatında yolda sərt manevrlər edib. Belə ki, o, əl əyləcindən istifadə edərək avtomobili əks istiqamətə fırladıb və təkərlərin yolun səthi ilə sürtünməsi səsləri çıxarıb. Bu zaman arxadan gələn maşındakı gənclər sürücünün “şou”sunu lentə alıblar və avtomobilin işığını yandırıb söndürərək, səs çıxararaq onun törətdiyi qayda pozuntusunu bəyəndiklərinə işarə ediblər.

Xatırladaq ki, sürücünün törətdiyi qayda pozuntusu avtoxuliqanlıqlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlana bilər.

Nərmin