Qaydalara məhəl qoymayan "BakuBus" sürücüsü dairədə qəza şəraiti yaratdı - VİDEO

Bakıda qaydalara əməl etməyən avtobus sürücüsü qəza şəraiti yaradıb. Avtosfer.az xəbər verir ki, hadisə iyulun 20-də, paytaxtın Səməd bəy Mehmandarov küçəsində baş verib. Belə ki, "BakuBus"a məxsus 77-JB-362 qeydiyyat nişanlı marşrut avtobusunun sürücüsü dairəvi hərəkət təşkil olunmuş yolayrıcının keçilməsi qaydasını pozub. O, dairə boyunca hərəkət edən avtomobilə yol verməyərək qarşısına çıxıb. Nəticədə qəza şəraiti yaradaraq həmin sürücünün hərəkətinə mane olub.

Qeyd edək ki, bu xətaya görə, avtobus sürücüsü İnzibati Xətalar Məcəlləsinin 327.2-ci maddəsilə 3 bal 100 manat məbləğində cərimə oluna bilər.

Könül Rauf