Sağa keçib yol verən sürücünün gözlənilməz hərəkəti təhlükə yaratdı - VİDEO

Bakıda təhlükəli hərəkətlər edən sürücünün videosu sosial şəbəkədə yayılıb. Avtosfer.az xəbər verir ki, görüntünü qeydə alan sürücü sol zolaqda gedən zaman qarşısındakı 90-MH-625 qeydiyyat nişanlı "Nissan" markalı avtomobildən yol verməyi tələb edib. "Nissan"ın sürücüsü öncə sağ zolağa yerdəyişmə edib yol versə də, sonradan qəfil sola manevr edərək təhlükə yaradıb. O, daha sonra sürəti artıraraq qarşısındakı avtomobili sağdan ötüb.

Qeyd edək ki, həm manevr, həm də ötmə qaydalarını kobud şəkildə pozan sürücü İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilər.

Fərid