Səfirlik maşını avtobus dayanacağını zəbt etdi - 004-D-065 - FOTO

Paytaxtın Yasamal rayonu Şəfayət Mehdiyev küçəsində qaydaları kobud şəkildə pozan sürücü görüntülənib.

Avtosfer.az xəbər verir ki, diplomatik korpusa məxsus olan

004-D-065 dövlət nömrə nişanlı "Volkswagen" markalı avtomobilin sürücüsü avtobus dayanacağında park edib. Bu isə ictimai nəqliyyatın dayanacağa girməsinə maneə yaradır.

Qeyd edək ki, İnzibati Xətalar Məcəlləsinin müvafiq maddəsi ilə bu qaydanı pozan sürücü barədə 40 manat məbləğində cərimə nəzərdə tutulur.

Diplomatik nömrə sürücüyə qayda pozmaq imtiyazı vermir. Hər bir halda ölkənin qanunlarına riayət olunmalıdır.

Fərid