Şəhərin mərkəzində ötmə edən “Prius” ard-arda qəza riski yaratdı - VİDEO

Paytaxtın Zərifə Əliyeva küçəsində qayda pozan sürücü nəqliyyat vasitələrinə qəza riski yaradıb.

Avtosfer.az-ın məlumatına görə, hadisə sentyabrın 30-da saat 10:36 radələrində qeydə alınıb. Belə ki, 77-EM-832 dövlət nömrə nişanlı “Toyota Prius” markalı avtomobilin sürücüsü ötmə etmək istəyir. Lakin təhlükəsizlik qaydalarına əməl etməyərək sağ zolaqla hərəkətdə olan digər maşının önünə çıxır. İkinci sürücü baş verə biləcək təhlükənin qarşısı almaq üçün öz növbəsində sağa - manevr edərək avtobusun önünə çıxır. Bu zaman avtobus sürücüsü siqnal verərək xəbərdarlıq edir. Yenidən öz zolağına qayıdan sürücü qarşıdakı avtomobilə dəyməkdən son anda xilas olur.

Xatırladaq ki, “Yol Hərəkəti Haqqında”qanunun 42-ci maddəsinə əsasən, zolağını dəyişən sürücü öncə eyni istiqamətdə hərəkət edən nəqliyyat vasitələrinə yol verməli və zolağın boş olduğuna əmin olduqdan sonra keçid etməlidir.

Nərmin