Sürücü lüks avtomobilini səkidə park etdi: Sakinlər maşın yoluna çıxmalı oldu - FOTO

Bakıda daha bir bahalı avtomobil sahibi səkini zəbt edib.

Avtosfer.az xəbər verir ki, paytaxtın Binəqədi rayonunda 90-KS-949 qeydiyyat nişanlı “Audi” markalı avtomobili piyadaların hərəkət etdiyi hissədə park edib gediblər.

Belə ki, Cəfər Xəndan küçəsində sürücünün özbaşınalığı sakinlərin narazılığına səbəb olub və sosial şəbəkələrdə müzakirə edilib. Sürücü özünün bahalı avtomobilini səkiyə dırmaşdırdığı üçün piyadalar maşın yoluna çıxaraq hərəkət etməli olurlar. “Avtomobili səkidə park etməyə görə 60 manat və əlavə olaraq 2 bal tətbiq edilsə də, belə sürücülər cərimələnməkdən də qorxmurlar” deyə, sosial şəbəkənin rəy bölməsində istifadəçilər yazıb.

Vətəndaşlar bu cür sürücülərə qarşı aidiyyəti qurumların daha sərt addımlar atmasını gözlədiklərini bildirib.

Səfər