Sürücü onun yerində dayanan maşının qarşısını kəsib evə getdi - ŞİKAYƏT - FOTO

Sürücü parklanma yerində başına gələn hadisənin görüntüsünü redaksiyamızın qaynar xəttinə göndərib. Avtosfer.az xəbər verir ki, hadisə paytaxtın Məmmədəli Şərifli küçəsində (“İnci” şadlıq sarayının yanında) baş verib. Belə ki, sürücü yük götürmək məqsədilə avtomobili yaşayış binasının parklanma yerində saxlayıb. Bu zaman bina sakinlərindən biri onun qarşısını kəsib: “Ağır bir yükü götürmək üçün maşını parklanma yerində saxladım. Bu zaman 99-HD-502 qeydiyyat nişanlı “BMW” markalı avtomobilin sürücüsü əlimdəki yükü görə-görə maşınımın qarşısında saxladı və getdi. Düşündüm ailəsini evə ötürdükdən sonra qayıdıb yol verər. Lakin onun yerində saxladığım üçün cəza olaraq maşını çəkməyəcəyini  bildirdi. Divarda və yerdə hec bir qeyd olmadığı halda həmin yerin kimə məxsus olduğunu bilməyim mümkünsüz idi. Nə qədər izah etsəm də sürücü anlamadan avtomobili orada atıb getdi. Təxminən 1 saatdan sonra şəkildə sağ tərəfdə görünən ağ rəngli “Toyota Land Cruiser”in sahibi harasa getmək üçün maşını çıxartdı. Bunda sonra mənə yol açıldı və oradan çıxa bildim”- deyə oxucu bildirib.

Sürücü baş verən hadisə ilə bağlı DİN-in 102 xidmətinə zəng etdiyini bilidirib.

Fərid