Sürücülər bu yolda kütləvi şəkildə qayda pozub təhlükə yaradırlar - VİDEO

Bakıda sürücülərin kütləvi şəkildə qayda pozduqları yoldan şikayət var. Oxuculardan biri qeydə aldığı videogörüntünü redaksiyamızın qaynar xəttinə göndərib. Avtosfer.az xəbər verir ki, söhbət paytaxtın Kənar Dairəvi yolundan gedir.

Belə ki, sentyabrın 28-də sözügedən yolda hərəkət edən 31-BF-540 qeydiyyat nişanlı "Toyota Prius" markalı avtomobilin sürücüsü yol ver nişanına əhəmiyyət verməyərək qəfildən sol zolağa manevr edib. Bu zaman görüntünü qeydə alan sürücünün qarşısını kəsərək ona təhlükə yaradıb.

Qeyd edək ki, bu kəsişmədə qaydalara əməl edən çox az sayda sürücü görmək olur. Onlar videogörüntüdəki kimi güzgüyə baxmadan qəfil sol zolağa keçirlər. Bu da əsas yolda olan sürücülərə təhlükəli vəziyyət yaradır.

Könül Rauf