Sürücülərin döngə xəstəliyi: Heç kim bu qaydaya əməl etmir - VİDEO

Bakıda sürücülərin pozduğu qaydalar kameraya düşüb. Avtosfer.az xəbər verir ki, hadisə paytaxtın Yusif Səfərov küçəsində baş verib.

Belə ki, görüntünü qeydə alan sürücü onun zolağına keçərək təhlükə yaradan 90-CG-470 qeydiyyat nişanlı "Hyundai" markalı avtomobilin videosunu sosial şəbəkədə paylaşıb. Lakin növbəti döngədə görüntünü qeydə alan sürücü özü də zolaqla hərəktə etməyərək 2 dəfə ardıcıl manevr qaydasını pozub.

Qeyd edək ki, əksər sürücülər yolun döngə olan sahələrində zolaqlar üzrə hərəkət edə bilmirlər. Döngələrdə sürəti aşağı salmaq lazımdır ki, zolaqlar üzrə hərəkət etmək mümkün olsun.

Təbii ki, icazə verilən sürətlə sürən zaman döngədə avtomobilin dayanıqlığı pozulduğu üçün sürcülər zolaqları kəsərək hərəkət edirlər. Bu əməli törədən sürücülər İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilərlər.

Fərid