Təcili yardımın arxasınca sürüb "protiv" gedən sürücülər - CƏRİMƏSİ VAR? - VİDEO

Balaxanı yolunda qayda pozan sürücülər anbaan kameraya düşüb. Avtosfer.az-ın məlumatına görə, hadisə iyulun 13-də saat 14:57 radələrində qeydə alınıb. Təcili tibbi yardım avtomobili xidməti zərurətlə bağlı əks istiqamətli yola çıxaraq axına qarşı hərəkət edib.

77-CZ-996 dövlət nömrə nişanlı "Nissan Leaf" markalı və 99-LP-096 dövlət nömrə nişanlı "KIA" markalı avtomobillərin sürücüləri yaranmış vəziyyətdən sui-istifadə ediblər. Belə ki, sürücülər yolboyu operativ nəqliyyat vasitəsini təqib edərək digər hərəkət iştirakçılarına təhlükə yaradıblar. Bu zaman onlardan biri "KIA" sürücüsünə "Öz yolunla niyə getmirsən? Mən də sənin kimi tələsirəm" deyərək iradını bildirib. Sürücü isə "məni sıxmaqla nə oldu?" deyə, cavab verib.

Qeyd edək ki, qanunvericiliyə görə, operativ nəqliyyat vasitəsinə qoşularaq hərəkət etməyin cəriməsi yoxdur. 

Nərmin