Toy kortecində maşını arxa-arxa sürərək təhlükə yaradan sürücü - 99-OM-555 - VİDEO

Paytaxtın Qara Qarayev prospektində qayda pozan sürücü görüntülənib.

Avtosfer.az-ın məlumatına görə, hadisə bir müddət əvvəl toy kortecində qeydə alınıb. Hərəkətdə olan 99-OM-555 dövlət nömrə nişanlı “Mercedes” markalı avtomobilin sürücüsü geriyə hərəkət manevri edib. Belə ki, o, maşını arxa-arxaya sürərək bəy-gəlin maşının önünü kəsib. Bu zaman hərəkətdə olan digər nəqliyyat vasitələrinə təhlükə yaradıb.

Xatırladaq ki, bu qayda pozuntusu İnzibati Xətalar Məcəlləsinin 327.1-ci maddəsinə əsasən, 40 manat cərimə ödəyə bilər.

Qeyd edək ki, sözügedən sürücünün müxtəlif vaxtlarda qayda pozuntusu törətdiyini əks etdirən görüntülər saytımızda dərc olunub.

Nərmin