Xırdalanda dairəyə daxil olan sürücü motosikleti vurdu - ANBAAN VİDEO

Bakı-Sumqayıt yolunda qayda pozan sürücü qəzaya səbəb olub.

Avtosfer.az-ın məlumatına görə, hadisə iyulun 23-də saat 22:49 radələrində qeydə alınıb. Belə ki, Binəqədi istiqamətindən gələn 77-ML-902 dövlət nömrə nişanlı “Khazar” markalı maşının sürücüsü növbəsini gözləmədən dairəyə daxil olub. Bu zaman o, üstünlüyə malik olan motosikleti vurub. Qəza zamanı moto sürücüsü ayağından xəsarət alıb. 

Qeyd edək ki, qəza törədən sürücü fikirli olduğunu bildirərək, moto sürücüsündən üzr istəyib.

Xatırladaq ki, yeni dəyişikliyə əsasən, bu qayda pozuntusu İnzibati Xətalar Məcəlləsinin 327.2-ci maddəsiylə 3 bal 100 manat məbləğində cərimələnə bilər.

Nərmin