Yeni Yasamalda xaotik vəziyyət: Səkilərdə bazar açıblar - ŞİKAYƏT- FOTO

Yeni Yasamalda yaranmış vəziyyətlə bağlı sakinlər Avtosfer.az-ın qaynar xəttinə şikayət ünvanlayıblar. Onlar bildirirlər ki, parklanma qaydasını pozan sürücülər yolda hərəkəti çətinləşdirirlər. Hətta dayanacaqları zəbt edərək avtobusların giriş-çıxışına mane olurlar. Səkilərdə isə qanunsuz küçə ticarəti ilə məşğul olan insanlar piyadaların hərəkətinə çətinlik yaradır. Qeydə alınmış fotolardan da aydın şəkildə görünür ki, səkilərə yığılmış piştaxtalar və yeşiklər piyadaların yolunu zəbt edib. Ərazidə nəzarətsizlik olduğu üçün bütün bunlar xaotik vəziyyət yaradır.

Ümid edirik ki, aidiyyəti qurumlar sakinlərin narazılığına reaksiya verərək ərazidəki qanunsuzluqlara qarşı tədbirlər görəcəklər.

Könül Rauf