Yol çiyni ilə gedən sürücü hərəkətə mane oldu - VİDEO

Tıxac vaxtı qabağa düşmək istəyən sürücü qaydaları pozub. Avtosfer.az xəbər verir ki, hadisə sentyabrın 18-də, Bakı-Sumqayıt yolunda baş verib.

Belə ki, 10-VA-112 qeydiyyat nişanlı "VAZ" markalı avtomobilin sürücüsü bir maşın qabağa düşmək üçün hərəkət zolağından kənara çıxıb. O, yol çiyni ilə hərəkət edərək görüntünü qeydə alan avtomobilin qarşısına keçib.

Yollarda tıxacların gərginləşməsi məhz belə sürücülərin zolaqlar üzrə hərəkət edə bilməməsi səbəbindən baş verir. Çox təəssüf ki, əksər sürücülər hərəkət zamanı niyə belə etdiklərini və bunun hansı fəsadlar yaratdığını anlamırlar.

Qeyd edək ki, videogörüntüdəki sürücü törətdiyi qayda pozuntusuna görə, İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilər.

Könül Rauf