Yol polisinə tabe olmayan xanım sürücü hərəkəti iflic etdi - 90-GA-990 - VİDEO

Bakıda dayanma-durma qaydasını pozan xanım sürücü yolda hərəkəti çətinləşdirib. Avtosfer.az xəbər verir ki, hadisə sentyabrın 11-də, paytaxtın Badamdar şosesində baş verib.

Belə ki, 90-GA-990 qeydiyyat nişanlı "Mitsubishi" markalı avtomobilin sürücüsü ikinci cərgədə dayanaraq yolu kəsib. Videogörüntüdən də aydın şəkildə görünür ki, həmin avtomobilə görə yolda hərəkət iflic olub. Avtomobilin dayandığı yerdən sonra isə yolda sərbəst hərəkət var.

Görüntünü qeydə alan sürücü yol polisinə "xanımı başa sala bilmədiniz" deyən zaman, polis əməkdaşı "bayaqdan deyirəm, götürmür maşını" - deyib. Dayanmış həmin avtomobilə görə, bütün sürücülər tıxacda qalıb.

Sözügedən videonu təqdim edirik:

Könül Rauf