Yolun ortasında “kruq” vurub “hoqqa” çıxaran sürücü polisə tabe olmadı - VİDEO

Abşeron rayonu, Xırdalan şəhəri, Zərifə Əliyeva küçəsində yol-hərəkəti qaydalarını kobud şəkildə pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 77-CO-674 dövlət nömrə nişanlı “Hyundai IX-35” markalı avtomobilin sürücüsü sıxlıq olan yolda təhlükəli manevrlər edib. Belə ki, o, yolayrıcında dəfərlərlə dövrə vuraraq hərəkətdə olan avtomobillərə qəza riski yaradıb. Daha sonra isə sürücü hərəkətdə olduğu zolaqdan anidən əks istiqamətli yola çıxıb və yenidən təhlükə yaradıb. Bu zaman yol patrul xidməti əməkdaşları qayda pozan sürücünü görərək "saxla" işarəsi verib. Lakin sürücü polisin əmrinə tabe olmadığını rəy bölməsində qeyd edib.

Qeyd edək ki, sürücü avtomobili ön dövlət nömrə nişanı olmadan idarə edib.

Nərmin