“Avto-VAZ” idman avtomobillərinin qiymətini qaldırdı 

Bu il “Lada Granta” və “Kalina” idman maşınlarının istehsalı artırılacaq və buraxılışın 60 faizini “Granta Sport” təşkil edəcək. Avtosfer.az-ın məlumatına görə, avtolent.az Rusiya mətbuatına istinadən xəbər verir ki, “Lada”nın "sürətli" modeli olan Lada Kalina NFR-in istehsalı ilin ortalarına doğru genişlənəcək. Model 140 at gücünə malik mühərriklə təmin olunacaq.

“AvtoVAZ” maşınların satış qiymətlərini də açıqlayıb. Belə ki, “Kalina Sport” 7571 ABŞ dolları, “Grant Sport” isə 7400 dollara satışa çıxarılacaq. Hər iki avtomobilin qiymətində müəyyən qədər artım var. Belə ki, ötən il “Kalina Sport” 7121 dollara, “Grant Sport” isə 6830 dollara satılıb. “Lada Kalina Sport” və “Granta Sport” 118 at gücünə malik olacaq .