Avtobusların «20 yanvar»da özbaşınalığı; qanunsuz avtovağzal - FOTOLAR

Nəqliyyat sıxlığı ilə xüsusi fərqlənən "20 yanvar" metrosstansiyasından "Memar Əcəmi" metrostansiyası istiqamətində gedən M.Cəfərov küçəsində əməlli-başlı "avtovağzal" təşkil olunub. Avtosfer.az-ın əməkdaşının hadisə yerində çəkdiyi fotolardan aydın görünür ki, bu küçənin təxminən 200-300 metrlik sahəsi avtobuslar tərəfindən zəbt olunub. Yolun səkisini, habelə iki cərgədə hərəkət hissəsini zəbt edən bu avtobuslar hətta əks tərəfdən gələn nəqliyyatın yolunu və ara küçələrin çıxışlarını da bağlayıblar. Göründüyü kimi orada dayanma və durmanı qadağan edən nişanlar da var. Bu, "avtovağzal"ın kim tərəfindən təşkil olunmasına dair sualımıza həmin qoçaq sürücülər, bu təşkilatçıları söyməklə cavab veriblər. Ona görə də bizə də maraqlıdır ki, bu həngaməni yaradaraq həm sürücülər, həm də oradan keçən hər kəs tərəfindən söyülən kimdir? Bu biabırçılığı niyə aradan qaldırmırlar? Axı rəsmi deyilənlərə görə Bakı-Sumqayıt marşrutu ilə işləyən avtobuslar həqiqi avtovağzaldan bəri gəlməməlidilər.

Fidan