Bakıda insanlıq dərsi ilə məşhurlaşan təkər təmirçisinin VİDEOsu

Bakıda təkər təmirçisindən sözün əsl mənasında insanlıq dərsi. Yol kənarında dayanmış avtomobilin şüşəsinin açıq olduğunu görən təkər ustası inanılmaz bir addım atıb. O, avtomobilin sahibi yanında olmadığından oğurluq olmasın deyə açıq şüşənin yerinə qəzet vurub ki, guya maşın təmir edilir. Maraqlı hadisə Yasamal rayonunda yaşanıb. Ənvər Həsənov bir gün əvvəl avtomobilini burda saxlayaraq işlədiyi ofisə gedib. Təxminən 7 saatdan sonra geri qayıdanda gördüyü mənzərə qarşısında heyrətə gəlib.

Ənvər Həsənov xeyli axtardıqdan sonra ona yaxşılıq edən şəxsi tapıb. Məlum olub ki, hər hansı bir ziyanlıq olmasın deyə avtomobilin şüşəsinə qəzet vuran yaxınlığında təkər təmiri ilə məşğul olan Rəşad Xudaverdiyevdi.

Ənvər Həsənovla xeyirxah iş görən Rəşad Xudaverdiyevi də tapdıq. Həmin vaxt təkər təmirçisinə təşəkkür etdikdən sonra Ənvər Həsənov ərazidən uzaqlaşıb. Bu gün isə Ənvər Rəşad Xudaverdiyevi bu təşəbbüsünə görə kiçik bir hədiyə ilə qiymətləndirib.