Deputat köməkçisini öldürən sürücüyə cəza verildi - FOTO

Bu il avqustun 11-də Ələt-Astara avtomobil yolunun Salyan rayonu, Xıdırlı kəndindən keçən hissəsində baş vermiş qəzada suçlanan sürücüyə hökm oxunub.

Avtosfer.az xəbər verir ki, bu barədə virtualaz.org saytının Şirvan bürosunun əldə etdiyi xəbərə görə, işə Salyan Rayon Məhkəməsində baxılıb.

Məhkəmənin hökmü ilə sürücü Ulduz Sadıqov 5 il 6 ay müddətinə azadlıqdan məhrum olunub.

Xatırladaq ki, Neftçala rayonunun Aşağı Surra kənd sakini Ulduz Sadıqovun idarə etdiyi “Opel” markalı minik maşını ötmə əməliyyatı edərkən qəza törətmiş, minik maşını qarşda gedən və Bakıya qarpız daşıyan “QAZ-3302” markalı yük maşınına çırpılmışdı. Hadisə nəticəsində “Opel”in sərnişini, Salyan rayonunun 59 yaşlı sakini Həsənbala Həsənov aldığı xəsarətlərdən hadisə yerində dünyasını dəyişmişdi. O, deputat Fəzail Ağamalının köməkçisi idi.

O zaman faktla bağlı Salyan Rayon Prokurorluğunda cinayət işi qaldırılmış, hadisədə günahkar bilinən Ulduz Sadıqov həbs edilmişdi.